الفيس بوك تقل جدا وبقى بيهيس كتير
ويبان قوي مثلا وانت في الشات الناس بتطلع اوف لاين وترجع تاني أون لاين
ده دليل على ضغط كبير على سيرفر الموقع
بسبب ان عدد المستخدمين كتير وكمان بيدخلوا في نفس التوقيت
زائد ان الترافيك عالي جدا
Traffic
الترافيك ده اللي هو ببساطة نقدر نقول حجم الداتا اللي بيمشي على السيرفر او الموقع يعني
اللي هو كل ما هو شير ولايك وكومينت واشتراك في جروبات وشات وخلافه
وكل البيانات اللي رايحة جاية دي ... وده كله بيعمل ضغط على السيرفر
الحل حاجتين ... يا إما الموقع يشتري سيرفرات أكبر يحط عليها الداتا دي
وده طبعا مكلف جدا جدا ومش هايعمل كده بسهولة ولا في يوم وليله
زائد انه باردو مع الوقت الداتا هاتزيد ويهنج ويشتري سيرفرات جديدة وهكذا نلف في دايرة مغلقة
يا إما احنا كمستخدمين نخف شوية على الراجل
وانا شايف ان الاتنين لازم يحصلوا
الموقع اكيد هايزود سيرفرات علشان يكسب اكتر
بس احنا كمان لازم نعمل ترشيد للاستخدام
وفلترة لكل حاجة بنعملها
لأن ممكن يجي وقت وتلاقي الأكاونت باظ من الضغط اللي عليه
بالإضافة لأنك هاتلاقي عندك ناس ما تعرفهمش اساسا
وهاتلاقي أصدقاء بيبعتولك لينكات لمواقع ولحاجات ولما تيجي تسأله ايه ده يقولك ماعرفش زي ما بيحصل في اكاونت الايميل بالظبط سواء على الياهو او غيره
وهم ما بعتوهاش اصلا
وده معناه ان الاكاونت بتاعه بايظ او مسروق او معمول عليه هاك
وده غالبا بيكون بسبب الأبليكيشنز الكتير اللي بيستخدمها
زي البرنامج بتاع كرسي الاعتراف او الفارم فيل وغيرهم
كمان كل داتا زيادة عندك مع الضغط وبمرور الوقت هاتلاقي الاكاونت بتاعك بيهنج
وتلاقي صفحاتك بتعمل لودينج بصعوبة او ممكن ما تفتحش أساسا
اعمل فلترة للاصدقاء اللي عندك والداتا بتاعتك
وخصوصا الأبليكيشنز والجروبات لأن الداتا بتاعتهم كتير قوي
وكمان الأبليكيشنز لما بتيجي تشترك فيها بيطلعلك صفحة مكتوب فيها
Request for permission
وانت بتدوس
allow
ده في الحقيقة مش موافقه على الابليكيشن لكن موافقة للأبليكشن ده ان ليه الحق في انه يدخل على بياناتك الشخصية ويستخدمها حتى لو انت عامل سيكيوريتي عليها
بدليل انك هاتلاقي مكتوب
Access my basic information
فما بالك لو الأبليكشن ده عبارة عن فايرس أو برنامج هاك اختراق ومتخفي في شكل الأبليكيشن دي
مع ملاحظة ان الابليكيشنز دي اللي بيعملها ناس مبرمجين من خارج الموقع وهي وسيلة بيستخدمها الموقع لجذب الزائرين في مقابل مادي لمبرمج الأبليكيشن مقابل عدد مرات استخدام اعضاء الموقع لهذا الأبليكيشن
زي ما قولت في الاول انا عارف ان فيه ناس هاتستخف باللي باقوله
بس عارف باردو ان فيه ناس بيحصل معاها اللي قولته زي التهنيج
وان الصفحات تقيلة في تحميلها او بيلاقي لينكات غريبة بتتتبعت ليه
الاصدقاء اللي بيبعتولك لينكات بايظة دول تشيلهم من عندك وتبلغهم ان الاكاونت بتاعهم بيعمل كده لأن الموضوع عامل زي العدوى
وده اسلوب من اساليب الهاك او اختراق الحسابات على المواقع المختلفة ومش بس الفيس بوك
ياريت اللي بيحصل معاه الكلام ده
يكتب هنا انه بيحصل ويأيد كلامي ويا ريت لو ينفع يعمل شير للنوت
علشان اللي مش مقتنع يقتنع ويكون استخدامنا افضل للفيس بوك
شكرا
لكل الناس اللي عايزة تشيل الأبليكيشنز اللي عندها في الفيس بوك
From Account > Privacy Settings > Apps and websites > Edit your Settings > Apps you use > Remove
وبعد كده هاتلاقي كل الأبليكيشنز اللي عندك
شوف اللي انت عايز تشيله ودوس على حرف الإكس اللي على اليمين جنب الابليكيشن علشان تشيله
ليست هناك تعليقات:
إرسال تعليق
يسعدنا مشاركتك معنا بإضافة تعليق أو فكرة أو اقتراح وأيضاً يشرفنا أن نجيب على أي استفسار